Cəlilabad rayonunda dayısının həyat yoldaşını qətlə yetirməkdə şübhəli bilinən yeniyetmə saxlanılıb.

Realmedia.info xəbər verir ki, 2011-ci il təvəllüdlü Anar Əzizov polis əməkdaşları tərəfindən saxlanılaraq istintaqa təhvil verilib.

Hadisə iyunun 3-də Cəlilabad şəhərinin Məhəmməd Hadi küçəsində qeydə alınıb. İlkin məlumata görə, A.Əzizov dayısının həyat yoldaşı, 1999-cu il təvəllüdlü Səidə Cəfərovaya kəsici alətlə hücum edib. Müxtəlif dərəcəli bədən xəsarətləri alan qadın hadisə yerində həyatını itirib.

Məlumata görə, hadisə baş verən zaman evdə mərhumun iki azyaşlı övladı da olub. Uşaqlar qonşulara məlumat verərək kömək istəyiblər.

Bildirilir ki, şübhəli şəxsin ailəsi Rusiyada yaşayır və o, bir müddətdir dayısının evində qalırmış. Hadisə zamanı dayısı evdə olmayıb.

Qətldən sonra hadisə yerindən qaçan yeniyetmənin saxlanılması istiqamətində hüquq-mühafizə orqanları tərəfindən əməliyyat-axtarış tədbirləri həyata keçirilib və o, polis əməkdaşları tərəfindən tutularaq istintaqa təhvil verilib.

Faktla bağlı araşdırma davam etdirilir.