Norveç-də altı yaşlı məktəbli oğlan ekskursiya zamanı təsadüfən vikinqlər dövrünə aid nadir bir qılınc aşkar edib.

Hadisə Brandbu kəndi yaxınlığında məktəblilərin tarlaya təşkil edilən ekskursiyası zamanı baş verib. Məlumata görə, uşaq yerdə qeyri-adi bir əşya görərək onu götürüb və müəllimlərinə göstərib.

Daha sonra mütəxəssislərin araşdırması nəticəsində həmin əşyanın təxminən 1300 il yaşı olan vikinqlər dövrünə aid nadir qılınc olduğu müəyyən edilib.

Hadisədən sonra məktəb rəhbərliyi dərhal arxeoloqlarla əlaqə saxlayıb və qiymətli artefakt rəsmi şəkildə təhvil verilib.

Hazırda tapılan qılınc Oslonun Mədəniyyət Tarixi Muzeyində saxlanılır və mütəxəssislər tərəfindən araşdırılır. Arxeoloqlar bu tapıntının bölgədə vikinqlərin yaşayışına dair yeni məlumatlar verə biləcəyini bildirirlər.