Badamdarda sürüşmə aktivləşdi: yol bağlandı, nazir əraziyə baxış keçirdi [xfgiven_qirmizi] [xfvalue_qirmizi] [/xfgiven_qirmizi]
Paytaxtın Badamdar qəsəbəsində son günlər müşahidə olunan intensiv yağıntılardan sonra sürüşmə sahəsində aktivlik artıb.
Realmedia.info xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, yaranmış təhlükə ilə əlaqədar Badamdar-20-ci Sahə avtomobil yolunda nəqliyyatın hərəkəti dayandırılıb və əraziyə aidiyyəti qurumların əməkdaşları cəlb olunub.
Məlumata görə, aprelin 5-i səhər saatlarında fövqəladə hallar naziri, general-polkovnik Kəmaləddin Heydərov hadisə yerinə gəlib.
Nazir mövcud vəziyyətlə yerində tanış olub, müvafiq qurumların rəsmiləri və mütəxəssislərlə fikir mübadiləsi aparıb, təklifləri dinləyərək aidiyyəti üzrə tapşırıqlar verib.
