Yanvarın 26-da Azərbaycanda gözlənilən hava şəraiti ilə bağlı rəsmi proqnoz açıqlanıb.

Milli Hidrometeorologiya Xidmətindən Realmediaya verilən məlumata görə, Bakıda və Abşeron yarımadasında hava şəraiti dəyişkən buludlu olacaq, arabir tutulacağı, əsasən isə yağmursuz keçəcəyi gözlənilir. Lakin gecə və axşam saatlarında bəzi ərazilərdə çiskinli hava ehtimal olunur.

Cənub-qərb küləyi axşam saatlarına doğru mülayim şimal-qərb küləyi ilə əvəz olunacaq. Havanın temperaturu gecə 1–3° isti, gündüz isə 6–10° isti olacaq. Atmosfer təzyiqi 766 mm civə sütunu səviyyəsində qalacaq, nisbi rütubət isə 70–80 faiz təşkil edəcək.

Azərbaycanın rayonlarında hava şəraiti əsasən yağmursuz keçəcək. Axşam saatlarında bəzi şərq rayonlarında yağıntı, dağlıq ərazilərdə isə qar yağacağı proqnozlaşdırılır. Bəzi yerlərdə arabir duman müşahidə olunacaq. Mülayim qərb küləyi arabir güclənəcək.
Rayonlarda havanın temperaturu gecə 2° şaxtadan 3°-dək isti, gündüz 8–12° isti, dağlıq ərazilərdə gecə 3–8° şaxta, gündüz isə 0–5° isti olacaq.

Sinoptiklər gecə və səhər saatlarında bəzi dağlıq rayonlarda yolların buz bağlaya biləcəyi ilə bağlı sürücülərə ehtiyatlı olmağı tövsiyə edirlər.