Bakıda güclü külək altı ağacı aşırdı, üç ağacın budaqları qırıldı [xfgiven_qirmizi] [xfvalue_qirmizi] [/xfgiven_qirmizi]
Bakıda gecədən səhərə qədər davam edən güclü külək şəhər sakinlərinə problemlər yaşadıb. Külək nəticəsində altı ağac aşıb, üç ağacın budaqları isə qırılıb.
Bakı şəhər Yaşıllaşdırma Təsərrüfatı Birliyinin “Qaynar xətt”inə güclü küləyə görə doqquz müraciət daxil olub. Müraciətlər əsasən Xətai, Nizami və Binəqədi rayonlarını əhatə edib.
Birliyin əməkdaşları dərhal hadisə baş vermiş ərazilərə çıxaraq aşmış ağacları təmizləyib və təhlükəsizliyi təmin ediblər.
Şəhər sakinlərinə tövsiyə olunur ki, güclü külək zamanı açıq havada diqqətli olsun və yararsız vəziyyətdə olan ağaclardan uzaq dursunlar.
