İstanbulda keçiriləcək Parlamentlərarası İttifaqın 152-ci Assambleyası çərçivəsində bir sıra ikitərəfli görüşlərin baş tutması nəzərdə tutulur.

Realmedia.info xəbər verir ki, bu barədə Ermənistan parlamentinin sədri Alen Simonyan məlumat verib.
O bildirib ki, tədbir çərçivəsində Azərbaycan Milli Məclisinin sədri Sahibə Qafarova ilə ikitərəfli görüş planlaşdırılır.

Eyni zamanda Ermənistan parlamentinin sədri Gürcüstan Parlamentinin sədri Şalva Papuaşvili ilə də görüş keçirməyi nəzərdə tutur.

Simonyanın sözlərinə görə, tədbirdə dünyanın bir çox ölkələrinin parlament rəhbərlərinin iştirakı gözlənilir və Azərbaycan, Ermənistan və Gürcüstan nümayəndələri arasında görüşlər planlaşdırılıb.