Ərdoğan İlham Əliyevə zəng edib – Naxçıvana edilən dron hücumunu pislədi [xfgiven_qirmizi] [xfvalue_qirmizi] [/xfgiven_qirmizi]
Martın 5-də Rəcəb Tayyib Ərdoğan Azərbaycan Respublikasının Prezidenti İlham Əliyev-ə telefon zəngi edib.
Telefon danışığı zamanı Türkiyə prezidenti İran İslam Respublikası tərəfindən Naxçıvan Muxtar Respublikasına həyata keçirilən dron hücumunu qəti şəkildə pislədiyini bildirib. O, qardaş Azərbaycanın hər zaman Türkiyənin dəstəyini hiss edəcəyini vurğulayıb və Azərbaycan xalqı ilə həmrəy olduqlarını qeyd edib.
Prezident İlham Əliyev isə göstərilən diqqətə və dəstəyə görə Türkiyə dövlət başçısına minnətdarlığını ifadə edib. Telefon danışığı zamanı Azərbaycan və Türkiyə arasında qardaşlıq və strateji müttəfiqlik münasibətlərinin önəmi bir daha vurğulanıb.
