“Qarabağ” fransalı vingerlə razılığa gəldi [xfgiven_qirmizi] [xfvalue_qirmizi] [/xfgiven_qirmizi]
Azərbaycan çempionu Qarabağ FK heyətini yeni futbolçu ilə gücləndirməyə hazırlaşır.
Məlumata görə, Ağdam təmsilçisi Kiprin AC Omonia klubunda çıxış edən fransalı hücumçu Jali Mouaddibi transfer etməyə yaxındır. Tərəflər arasında aparılan danışıqların uğurla yekunlaşdığı və futbolçu ilə tam razılığın əldə edildiyi bildirilir.
25 yaşlı vingerin yaxın günlərdə tibbi müayinədən keçərək rəsmi müqaviləyə imza atacağı gözlənilir.
Qeyd edək ki, “Qarabağ” yeni mövsüm öncəsi heyətini daha da gücləndirmək üçün transfer çalışmalarını davam etdirir.
Klubun əsas məqsədi həm ölkə çempionatında uğurlu çıxış etmək, həm də avrokuboklarda rəqabətədavamlı komanda formalaşdırmaqdır.
