Braziliya futbolunda nadir rast gəlinən hadisə baş verib. Qarşılaşma zamanı baş verən kütləvi dava nəticəsində 23 futbolçu meydandan qovulub.

Xarici KİV-in məlumatına görə, oyun zamanı Cruzeiro və Atlético Mineiro komandaları üz-üzə gəlib. Qarşılaşmanın ikinci hissəsinin son saniyələrində futbolçular arasında mübahisə yaranıb. Final fitindən sonra isə gərginlik daha da artaraq kütləvi davaya çevrilib.

Hakimlər və komanda nümayəndələri vəziyyəti sakitləşdirməyə çalışsalar da, qarşıdurma genişlənib. Nəticədə davada iştirak edən ümumilikdə 23 futbolçu qırmızı vərəqə ilə cəzalandırılıb və meydandan kənarlaşdırılıb.

Qeyd edək ki, bu hadisə Braziliya futbol tarixində ən çox futbolçunun eyni oyunda qırmızı vərəqə alması kimi qiymətləndirilir. Hadisə ilə bağlı futbol federasiyası tərəfindən əlavə intizam tədbirlərinin görüləcəyi gözlənilir.