Bakı şəhərinin Qaradağ rayonu, Lökbatan qəsəbəsi ərazisində yerləşən anbarların birində baş verən yanğınla mübarizə tədbirləri davam etdirilir.

Realmedia.info xəbər verir ki, yanğının söndürülməsi üçün əraziyə Fövqəladə Hallar Nazirliyinin yanğınsöndürən qüvvələri, texnika və helikopterlər cəlb olunub.

Məlumata görə, güclü yanğının miqyasının genişlənməsinin qarşısının alınması və yaxınlıqdakı digər anbarlara keçməməsi üçün operativ tədbirlər görülür. Eyni zamanda, ərazidə olan malların təhlükəsiz zonaya daşınması həyata keçirilir.

Hadisə ilə bağlı Azərbaycan Dəmir Yollarıyə məxsus konteynerlərin də ərazidən çıxarılması işləri aparılır.

Rəsmi məlumatlara əsasən, hadisə nəticəsində xəsarət alan yoxdur. Yanğının başvermə səbəbi ilə bağlı ilkin ehtimallar araşdırılır.

Əraziyə həmçinin yüksək vəzifəli şəxslər, o cümlədən FHN rəhbərliyi cəlb olunub və vəziyyət nəzarətdə saxlanılır.

Yanğının söndürülməsi istiqamətində işlər davam etdirilir, əlavə məlumat veriləcək.