Bakıda yeni asfalt çəkilən ərazi bir gün sonra tamamilə çökdü [xfgiven_qirmizi] [xfvalue_qirmizi] [/xfgiven_qirmizi]
Bakının Xətai rayonunda yeni asfaltlanan ərazinin qısa müddət sonra çökməsi narazılığa səbəb olub.
Realmedia xəbər verir ki, hadisə Məhəmməd Hadi küçəsində qeydə alınıb. Belə ki, sözügedən ərazidə səkidə asfalt örtüyü tamamilə çöküb.
Məlumata görə, Azərbaycan Dövlət Su Ehtiyatları Agentliyi tərəfindən aparılan qazıntı işlərindən sonra səkiyə yeni asfalt qatı çəkilib. Lakin işlərin başa çatmasından cəmi bir gün sonra örtüyün yararsız hala düşdüyü müşahidə olunub.
Sakinlər görülən işlərin keyfiyyətsiz aparıldığını bildirərək aidiyyəti qurumlardan məsələyə aydınlıq gətirilməsini və problemin qısa zamanda aradan qaldırılmasını tələb edirlər.
