ABŞ Prezidenti Donald Tramp Venesuelanın tanınmış müxalifət lideri Mariya Korina Maçado ilə görüş zamanı Nobel Sülh Mükafatının medalını simvolik olaraq qəbul edib.
Mariya Korina Maçado bu jesti Trampın Venesuelada demokratiya, insan haqları və azad seçkilərin bərpası istiqamətində göstərdiyi siyasi dəstəyə hörmət əlaməti kimi təqdim edib. Onun sözlərinə görə, Trampın beynəlxalq təzyiqlər və diplomatik təşəbbüslər vasitəsilə Venesuela xalqının mübarizəsinə verdiyi töhfələr yüksək qiymətləndirilməlidir.
Donald Tramp isə çıxışında bu addımı “böyük şərəf” adlandıraraq, Venesuela xalqının azadlıq mübarizəsinə dəstəyin davam edəcəyini bildirib. O qeyd edib ki, regionda sülh və demokratik dəyərlərin qorunması ABŞ üçün prioritet məsələlərdən biridir.
Qeyd edək ki, Nobel Sülh Mükafatı rəsmi olaraq yalnız laureata məxsusdur və medalın təqdim edilməsi hüquqi status dəyişikliyi yaratmır. Hadisə daha çox siyasi və simvolik məna daşıyır.