ABŞ-ın Florida ştatında ABŞ Prezidenti Donald Trampa qarşı sui-qəsd cəhdində ittiham olunan 58 yaşlı Rayan Uesli Rut ömürlük həbs cəzasına məhkum edilib.
Məlumata görə, hadisə 2024-cü ilin sentyabr ayında Donald Trampın West Palm Beach şəhərində yerləşən beynəlxalq qolf klubunda oyun zamanı baş verib.

İddialara əsasən, Rut klub ərazisinin hasarının arxasından optik cihazla təchiz etdiyi AK-47 tipli silahın lüləsini Trampa tuşlayıb.

ABŞ Gizli Xidmət əməkdaşları şübhəli şəxsi vaxtında aşkar edərək atəş açıblar. Rut hadisə yerindən qaçmağa çalışsa da, qısa müddət sonra saxlanılaraq həbs edilib.

Federal məhkəmənin qərarına əsasən, Rayan Uesli Rut sui-qəsd cəhdi və qanunsuz silah saxlama maddələri üzrə təqsirli bilinərək ömürlük azadlıqdan məhrum olunub.

Hadisə ABŞ-da prezident seçkiləri ərəfəsində təhlükəsizlik məsələlərini yenidən gündəmə gətirib.