Suriya Prezidenti Əhməd əş-Şaraa Suriya hökuməti ilə YPG terror təşkilatı arasında tam inteqrasiyanı nəzərdə tutan razılaşmanın imzalandığını açıqlayıb.
Prezidentin sözlərinə görə, əldə olunan razılaşma ölkənin ərazi bütövlüyünün və siyasi birliyinin qorunmasına xidmət edir. O vurğulayıb ki, Suriya vahid və bölünməz dövlətdir və heç bir bölgəyə xüsusi muxtari status verilməsi gündəmdə deyil.
Əhməd əş-Şaraa bildirib ki, razılaşma çərçivəsində təhlükəsizlik məsələlərinə xüsusi önəm veriləcək və əvvəlcədən xüsusi statusa malik olan ərazilərdə dövlət nəzarəti gücləndiriləcək. Prezidentin fikrincə, bu addım ölkədə sabitliyin bərpasına və mərkəzi hakimiyyətin möhkəmlənməsinə töhfə verəcək.
Rəsmi Dəməşq razılaşmanın Suriyada uzunmüddətli sülh və təhlükəsizliyin təmin olunması baxımından mühüm əhəmiyyət daşıdığını qeyd edib.

Realmedia.info