Paşinyan Azərbaycan ərazisindən yük tranzitinin açılmasına görə İlham Əliyevə təşəkkür etdi
Ermənistanın Baş naziri Nikol Paşinyan Azərbaycan ərazisindən Ermənistana yük tranzitinin blokdan çıxarılması ilə bağlı qərara görə Azərbaycan Prezidenti İlham Əliyevə təşəkkür edib.
Realmedia xəbər verir ki, Paşinyan bu barədə Ali Avrasiya İqtisadi Şurasının iclasında çıxışı zamanı danışıb.
O bildirib ki, Avrasiya İqtisadi İttifaqına (Aİİ) üzv və müşahidəçi ölkələrlə konstruktiv dialoq regional iqtisadi inteqrasiyanın gücləndirilməsi baxımından mühüm əhəmiyyət daşıyır.
Paşinyanın sözlərinə görə, bu addım regionda sülh və sabitliyin formalaşdırılması istiqamətində əldə olunan ilk və ən vacib nailiyyətlərdən biridir.
Baş nazir qeyd edib ki, hazırda müşahidə olunan konstruktiv dəyişikliklər region ölkələri üçün yeni imkanlar yaradır, iqtisadi dayanıqlığın möhkəmlənməsinə və regional kommunikasiyaların genişlənməsinə mühüm töhfə verir.