❗️Leyla Əliyevanın təşəbbüsü ilə uşaq müəssisələrində Yeni il tədbirləri keçirilib [xfgiven_qirmizi] [xfvalue_qirmizi] [/xfgiven_qirmizi]
Leyla Əliyevanın təşəbbüsü ilə paytaxtda fəaliyyət göstərən bir sıra uşaq müəssisələrində Yeni il münasibətilə bayram tədbirləri təşkil olunub.
Belə ki, 1 və 2 saylı uşaq evlərində, həmçinin 1 saylı körpələr evində yaşayan azyaşlılar üçün maraqlı və əyləncəli Yeni il şənliyi keçirilib. Tədbir zamanı uşaqlar üçün müxtəlif oyunlar, musiqili proqramlar və əyləncəli çıxışlar təqdim olunub.
Bayram şənliyində azyaşlılara Yeni il hədiyyələri verilib, onların sevinc və xoş ovqat keçirməsi üçün hər cür şərait yaradılıb. Tədbirin əsas məqsədi uşaqlara bayram ab-havasını yaşatmaq və onların üzündə təbəssüm yaratmaq olub.
Qeyd edək ki, bu kimi sosial yönümlü layihələr mütəmadi olaraq davam etdirilir.
