Azərbaycan Respublikasının Prezidenti İlham Əliyev yanvarın 4-də ABŞ nümayəndə heyətini qəbul edib. Heyətə Senatın Silahlı Qüvvələr Komitəsinin üzvü Markveyn Mallin və Nümayəndələr Palatasının üzvləri Ceyson Smit, Ronni Cekson və Cimmi Panetta daxildir.
Qonaqlar Bakıda gördükləri inkişaf proseslərinin dərin təəssürat yaratdığını bildiriblər və Azərbaycanla Ermənistan arasında sülh gündəliyinin irəli aparılması üzrə əldə olunmuş nəticələri təbrik ediblər.
Prezident İlham Əliyev regional sülhün davam etdirilməsi, ticarət və enerji sahələrində əməkdaşlığın genişləndirilməsi, həmçinin təhsil, informasiya texnologiyaları və süni intellekt sahələrində perspektiv imkanların mövcud olduğunu vurğulayıb.