Ukraynanın qələbəsini təmin etmək üçün əsas diqqət Rusiyanın iqtisadi imkanlarının zəiflədilməsinə yönəlməlidir.
Realmedia xəbər verir ki, bu fikirləri ABŞ-ın Avropadakı ordusunun keçmiş komandanı, general Ben Hoces səsləndirib.
Onun sözlərinə görə, Ukraynanın qələbə strategiyası Rusiyanın neft və qaz infrastrukturuna ciddi zərbələr endirilməsinə əsaslanmalıdır. General bildirib ki, Moskvanın neft və qaz ixrac etmək imkanları məhdudlaşdırılarsa, bu, Rusiya iqtisadiyyatına ağır zərbə vuracaq.
Ben Hoces qeyd edib ki, Rusiya Çin, Hindistan, Türkiyə və digər ölkələrə neft və qaz satışından əldə etdiyi gəlirlər hesabına hərbi əməliyyatları maliyyələşdirir. Bu gəlirlərin itirilməsi isə Rusiyanın müharibəni davam etdirməsini çətinləşdirəcək.
O əlavə edib ki, enerji sektoruna edilən hücumlar Rusiyanın daxili bazarında, xüsusilə hərbi sahədə yanacaq çatışmazlığı yaradaraq ordunun fəaliyyətinə ciddi təsir göstərə bilər.