Prezident İlham Əliyev bildirib ki, hazırda Ermənistanla Azərbaycan arasında sülh prosesi davam edir və bu prosesin təşəbbüskarı məhz Azərbaycan olub. Dövlət başçısı vurğulayıb ki, buna baxmayaraq, xalqımızın yaşadığı faciələri unutmaq mümkün deyil.

“Düzdür, indi Ermənistanla Azərbaycan arasında sülh prosesi gedir və bu sülh prosesinin təşəbbüskarı da biz olmuşuq. Ancaq biz işğalı necə unuda bilərik?! Şəhidlərimizi necə unuda bilərik?! Xocalı qurbanlarını, digər günahsız insanların həlak olmasını necə unuda bilərik?! Heç vaxt unuda bilmərik və unutmamalıyıq”, – deyə Prezident qeyd edib.

Prezident İlham Əliyev bildirib ki, Azərbaycan xalqı tarixi ədaləti, yaşadığı ağrılı faciələri daim xatırlamalı və gələcək nəsillərə ötürməlidir.

Realmedia.