Bakı şəhərində "20 Yanvar" və "Şamaxinka" istiqamətlərində yeni tunel və yol layihələri nəqliyyat sıxlığının azalmasına xidmət edəcək.

Pirşağı layihəsi çərçivəsində dəmir yolunun altından tunel inşa olunur və şimal-qərb istiqamətlərinə rahat çıxış təmin edilir. Koroğlu-Həsən Əliyev yolunda isə 4 km-lik yeni prospekt yaradılır, 4 tunel və 3 yeraltı piyada keçidi tikilir.

Bundan əlavə, "8 Noyabr" prospektini Babək və Heydər Əliyev prospektləri ilə birləşdirəcək yeni tunel layihəsi tıxacların azalmasına kömək edəcək. Layihələrin məqsədi Bakı və ətraf ərazilərdə nəqliyyat infrastrukturunu yeniləmək və sürücülər üçün rahat hərəkət şəraiti yaratmaqdır.