Bu gün – 2 fevral Azərbaycanda Gənclər Günü kimi qeyd olunur. Gənclər Günü Ümummilli Lider Heydər Əliyevin 2 fevral 1997-ci il tarixində imzaladığı Fərmana əsasən təsis edilib.

Qeyd edək ki, bu tarix Azərbaycan gənclərinin I Forumunun keçirildiyi günlə bağlıdır. 2 fevral 1996-cı ildə keçirilən forum ölkədə dövlət gənclər siyasətinin formalaşmasında mühüm rol oynayıb.

Hazırda Azərbaycanda dövlət gənclər siyasəti gənclərin sosial, iqtisadi və mədəni inkişafına dəstək verilməsi, onların cəmiyyət həyatında fəal iştirakının təmin olunmasına yönəlib. Bu gün münasibətilə ölkənin müxtəlif bölgələrində tədbirlər təşkil olunur.

Realmedia.info xəbər saytının kollektivi bu əlamətdar gün münasibətilə Azərbaycan gənclərini təbrik edir, onlara uğurlar və nailiyyətlər arzulayır.