Rusiya Ukraynaya məxsus Su-27 təyyarəsini vurub [xfgiven_qirmizi] [xfvalue_qirmizi] [/xfgiven_qirmizi]
Rusiya Hava-Kosmik Qüvvələri Ukraynaya məxsus Su-27 tipli döyüş təyyarəsini vurub.
Realmedia xəbər verir ki, bu barədə Rusiya Müdafiə Nazirliyi məlumat yayıb. Bildirilib ki, Ukrayna Hərbi-Hava Qüvvələrinə məxsus təyyarə hava hücumundan müdafiə vasitələri ilə məhv edilib.
Hadisənin dəqiq yeri və vaxtı, eləcə də pilotun taleyi barədə əlavə məlumat açıqlanmayıb.
Ukrayna tərəfi isə məsələyə dair hələlik rəsmi açıqlama verməyib.
Qeyd edək ki, Rusiya-Ukrayna müharibəsi fonunda tərəflər tez-tez hava hədəflərinin məhv edilməsi ilə bağlı qarşılıqlı iddialar səsləndirirlər.
