Bakı, 26 yanvar — İsrailin xarici işlər naziri Gideon Saar bu gün paytaxtımızdakı Şəhidlər Xiyabanını və Zəfər parkını ziyarət edib.

Saar Şəhidlər Xiyabanında Qarabağ müharibəsi və “Qara Yanvar” faciəsi qurbanlarının xatirəsini yad edərək çələng qoyub. Ziyarət zamanı o, xüsusilə Azərbaycan Milli Qəhrəmanı Albert Aqarunovun məzarını ziyarət edib və onun xatirəsini ehtiramla yad edib.

Xarici işlər nazirinin Zəfər parkına səfəri isə Azərbaycanın müstəqilliyi və suverenliyinin qorunması uğrunda göstərilən qəhrəmanlığa hörmət əlaməti olaraq qiymətləndirilir.

Gideon Saarın ziyarəti iki ölkə arasında diplomatik münasibətlərin inkişafının və qarşılıqlı hörmətin simvolik ifadəsi kimi diqqət çəkir.